२०८३, श्रावण १३ गते
- यो साता चर्चामा :
काठमाडौं – नेपाली राष्ट्रिय क्रिकेट टोलीले खेल्ने भनिएको क्रिकेट सिरिज स्थगित भएको छ ।
आइसिसी विश्वकप क्रिकेट लिग–२ अन्तर्गत नेपाल, स्कटल्यान्ड र नामिबियाबीचको त्रिकोणात्मक एकदिवसीय सिरिज स्थगित भएको हो ।
स्पेनमा तय भएको सिरिज स्थगित भएको नेपाल क्रिकेट संघ (क्यान)ले जनाएको छ । आज क्यानले एक विज्ञप्ति जारी गर्दै कोरोना भाइरसको प्रभावका कारण सिरिज स्थगित भएको जनाएको छ ।
‘कोभिड–१९ को प्रभावका कारण स्पेनमा हुने तय भएको एकदिवसीय क्रिकेट स्थगित भएको हो’, सचिव अशोकनाथ प्याकुरेलले जारी गरेको विज्ञप्तिमा भनिएको छ ।
उक्त सिरिज जुलाई अन्तिममा हुने तालिका रहेको थियो ।
सिरिज सन् २०२२ सम्मका लागि स्थगित भएको हो । लिग–२ अन्तर्गत नेपालले घरेलु मैदानमा ओमान र अमेरिकासँग चार खेल खेलिसकेको छ । नेपाल ४ अंक जोड्दै छैटौँ स्थानमा छ ।
