कञ्चनपुर । कञ्चनपुरको शुक्लाफाँटा नगरपालिका–७ को वडा कार्यालयमा गए राति आगजनी भएको छ । आगजनीबाट वडा कार्यालयको प्रशासन कक्ष, सभा कक्ष र वडासचिवको कार्यकक्षमा क्षति पुगेको छ ।

आगजनी कसले र किन ग¥यो भन्ने बारे अनुसन्धान भइरहेको प्रहरीले जनाएको छ । कार्यालयमा आगजनी हुँदा कार्यालयका फर्निचर, सोफा, महत्वपूर्ण कागजात, कम्प्युटर, फोटोकपी मेसिन, कार्पेट पूरै जलेको वडाध्यक्ष जगतबहादुर सिंहले जानकारी दिनुभयो ।

उहाँका अनुसार कार्यालय भवनको मुख्य प्रवेशद्वारको ताला फुटाउन नसकेपछि झ्यालको सिसा फोरेर पेट्रोल छर्किइ आगजनी गरिएको छ ।
अहिले क्षतिको विवरण संकलन भइरहेको वडाध्यक्ष सिंहले बताउनुभयो ।