२०८३, श्रावण १९ गते
- यो साता चर्चामा :
काठमाडौं । काठमाडौंको सोह्रखुट्टेबाट २५ जना जुवा खेल्ने (जुवाडे) समातिएका छन् ।
प्रहरीको एक टोलीले काठमाडौं महानगरपालिका–१६ स्थित सोह्रखुट्टेको फेवा दर्शन होटलबाट २५ जनालाई पक्राउ गरेको महानगरीय प्रहरी परिसर काठमाडौंले जनाएको छ । उनीहरुलाई मंगलबार पक्राउ गरिएको हो ।
प्रहरी वरिष्ठ उपरीक्षक (एसएसपी) अशोक सिंहका अनसार होटल सञ्चालक पिताम्बर गौतम पनि पक्राउ परेका छन् ।
उनीहरूको साथबाट प्रहरीले १० लाख ९० हजारभन्दा बढी रुपैयाँ पनि फेला पारेको छ । त्यो जुवा खेल्नका लागि प्रयोग गरिएको प्रहरीको दाबी छ ।
साथै, उनीहरूबाट प्रहरीले क्यासिनोमा खेल्न प्रयोग गरिने क्वाइनहरू समेत बरामद गरेको छ ।
उनीहरूमाथि थप अनुसन्धान अघि बढाएको प्रहरीले जनाएको छ ।
