काठमाडौं । वीर गणेशमान सिंह स्मृति राष्ट्रिय खुला बक्सिङ प्रतियोगिता स्थगित भएको छ । गणेशमान सिंहको स्मृतिमा गणेशमान सिंह फाउन्डेसनले आयोजना गर्दै आएको प्रतियोगिता स्थगित भएको हो ।

यसअघि गत चैत १८ देखि २२ गतेसम्म काठमाडौंमा प्रतियोगिता आयोजना हुने तय भएको थियो । तर, विश्वभर महामारीका रूपमा फैलिएको कोरोना भाइसरका कारण प्रतियोगिता स्थगित भएको थियो ।

यसै प्रतियोगिताका लागि विभिन्न प्रदेशस्तरीय छनोट प्रतियोगितासमेत सम्पन्न भइसकेको थियो । कोरोना भाइरसको महामारी सुरु हुनुअघि प्रदेश १, प्रदेश २ र वाग्मती प्रदेशको छनोट प्रतियोगिता सम्पन्न भइसकेको आयोजकले विज्ञप्तिमार्फत जनाएको छ ।