दार्चुलामा पहिरोले पुरिएर २ जना बेपत्ता भएका छन भने २ जनाको जीवितै उद्धार गरिएको छ । आज बिहान मालिकार्जुन गाउँपालिका–८ शंकरपुर पस्तीमा घर माथिबाट पहिरो खसेर घाइते भएका २ जनाको जिवितै उद्धार गरिएको हो भने २ जना अझै वेपत्ता छन् ।

पहिरोमा पुरिएका ३५ वर्षीया लक्ष्मी ढोली र ९ वर्षीय छोरा शुवम परियारको जिवितै उद्धार गरिएको दार्चुला प्रहरीले जनाएको छ । बेपत्ता भएकाहरुको खोजी भइरहेको छ ।

पहिरोमा परी घाइते भएकी लक्ष्मीको उपचारको लागि हेलिकोप्टरको व्यवस्था गर्ने तयारी भइरहेको छ । दिदी भेट्न पस्ती आएका लेकम गाउँपालिका घर भएका मिलन दमाई र अर्जुन दमाईको अवस्था भने अज्ञात रहेको प्रहरीले जनाएको छ ।