ओलिभर जिराउडको एकमात्र गोलमा चेल्सीले प्रिमियर लिग फुटबलमा नर्विच सिटीलाई हराएको छ। गयराति चेल्सीले घरेलु मैदानमा तालिकाको पुछारमा रहेको नर्विच सिटीमाथि १–० को कठिन जित निकालेको हो ।

च्याम्पियन्स लिग छनोटको कठिन दौडमा रहेको चेल्सीलाई पछिल्लो जितले ठुलो राहत र आत्मविश्वास दिएको छ । प्राप्त जितले लण्डन क्लब अर्को सिजन च्याम्पियन्स लिग खेल्ने सम्भावनालाई बलियो बनाएको छ ।

र, मारियो पसालिकको ह्याट्रिकको सहयोगमा एटलान्टा सिरि ए फुटबलको दोस्रो स्थानमा उक्लिएको छ । ब्रेसियामाथि ६–२ को प्रभावशाली जित निकाल्दै एटलान्टा लिगको दोस्रो स्थानमा उक्लिएको हो । एटलान्टाले शीर्ष स्थानको युभेन्ट्ससंगको दुरी ६ अंकमा झारेको छ ।