काठमाडौं । स्पेनिस ला लिगा फुटबलमा बार्सिलोना काडिजसँग बराबरीमा रोकिएको छ ।

गएराति भएको खेलमा बार्सिलोना र काडिजले १–१ गोलको बराबरी गरेका हुन् ।

खेलको ३२ औं मिनेटमा कप्तान लियोनल मेसीले पेनाल्टीमा गोल गर्दै बार्सिलोनालाई अग्रता दिलाए पनि यसलाई जोगाइराख्न नसक्दा खेल बराबरीमा पुगेको थियो ।

खेलको ८९ औं मिनेटमा काडिजका एलेक्स फर्नान्डेजले पेनाल्टीमार्फत गोल गर्दै खेललाई बराबरीमा पुर्याएका थिए ।

बराबरीसँगै तेस्रो स्थानमा रहेको बार्सिलोनाले २३ खेलमा ४७ अंक जोडेको छ। यस्तै, गएराति नै भएका खेलमा रियल सोसिडाड र हुएस्का विजयी भएका छन् ।

रियल सोसिडाडले एल्लाभेसलाई ४–० गोल अन्तरले हरायो भने हुएस्काले ग्रानडालाई ३२ गोल अन्तरले हरायो । यस्तै, एट्लेटिको बिल्वाओ र भिल्लारियलले भने एकरएक गोलको बराबरी गरेका छन् ।