२०८३, श्रावण १२ गते
- यो साता चर्चामा :
काठमाडौं । सन् २०२१ को इन्डियन प्रिमियर लिग (आइपिएल)क्रिकेट प्रतियोगिताको अक्सनका लागि नेपालका आठजना खेलाडीकोे नाम सिफारिस भएको छ ।
आइपिएलका लागि नेपालबाट सन्दीप लामिछाने, दीपेन्द्रसिंह ऐरी, विनोद भण्डारी, करण केसी, सोमपाल कामी, शरद भेषावकर, अविनाश बोहरा र कुशल मल्लको नाम सिफारिस गरिएको नेपाल क्रिकेट सङ्घ (क्यान)ले जनाएको छ ।
यीमध्ये लामिछानेले यसअघि आइपिएल खेलिसक्नुभएको छ । यसपटक क्यानमार्फत नै आठवटै खेलाडीले आफ्नो नाम आइपिएलमा लागि दर्ता गराएका हुन् ।
यी नेपाली खेलाडीहरु आइपिएलका लागि छनोट हुन्छन् वा हुँदैनन् भन्नेबारे आगामी फागुन ६ गते टुङ्गो लाग्नेछ ।
