काठमाडौं । प्रतिबन्धित नेत्रविक्रम चन्द विप्लव समूहले नेपाल बन्दको घोषणा गरेको दिन आज (शनिबार) देशका विभिन्न ठाउँमा बम फेला परेको छ । काभ्रेका दुई स्थानमा शंकास्पद वस्तु फेला परेको छ । जिल्लाको रोशी गाउँपालिका नार्के स्थित वीपी राजमार्गमा सिलिन्डर बम र बनेपा नगरपालिका बुडोल स्थित सडक छेउँमा शंकस्पद वस्तु फेला परेको हो ।

आज बिहान राजमार्गको बायाँ पट्टी सिलिन्डर बम बिस्फोट भएको हो । त्यस्तै बनेपामा झोलामा कुकर जस्तो देखिने वस्तु भेटिएपछि नेपाली सेनााको बम डिस्पोजल टोलीले डिस्पोज गरेको छ ।

घटनाबारे थप अनुसन्धान भइरहेको जिल्ला प्रहरी कार्यालय काभ्रेका प्रमुख प्रहरी उपरीक्षक भुपेन्द्रबहादुर खत्रीले जानकारी दिनुभयो ।

यस्तै, सिरहामा पनि प्रेसर कुकर बम फेला परेको छ । जिल्लाको मिर्चैया नगरपालिका ५ जिबाखोलाको पुलमा प्रेसरकुकर बम फेला परेको हो ।
आज बिहान पुलमा भेटिएको बम सेनाले डिस्पोज गरिएको जनाएको छ ।

प्रतिबन्धित नेत्रविक्रम चन्द विप्लव समूहले आज नेपाल बन्दको घोषणा गरेको दिन विभिन्न ठाउँमा यस्ता विष्फोटक वस्तु फेला परेको हो ।