एसिया कप क्रिकेट प्रतियोगिता २०२१ सम्मका लागि स्थगित भएको छ । कोरोनाका कारण सेप्टेम्बरमा आयोजना हुने प्रतियोगिता कोरोनाका कारण तत्काल नहुने भएको हो ।
एसियन क्रिकेट काउन्सिल (एसीसी) ले एसिया कप क्रिकेट एक वर्षसम्मका लागि स्थगित भएको जनाएको छ । कोरोना भाइरस महामारीका कारण प्रतियोगिता जुन २०२१ सम्मका लागि स्थगित गरिएको एसीसीले पुष्टि गरेको छ । यसअघि एसिया कप क्रिकेट सेप्टेम्बरमा आयोजना हुने तय भएको थियो । अर्को वर्ष आयोजना हुने एसिया कप श्रीलंकामा हुनेछ ।

यसअघि पाकिस्तानमा आयोजना हुने भनिएको एसिया कपको होस्टिङ राइट्स पाकिस्तान क्रिकेट बोर्डले श्रीलंका क्रिकेट बोर्डलाई सुम्पिएको थियो । २०१८ को एसिया कपको उपाधि सातौ पटक भारतले जितेको थियो ।