काठमाडौं । हावाका कारण पुनः ठूलो संख्यामा सलहको झुन्ड नेपाल भित्रने जोखिम बढेको छ । भारतको राजस्थानमा ४ सय हेक्टर क्षेत्रफल ओगट्ने करोडौंको संख्यामा रहेका सहलको झुन्ड हावाको बेगका कारण नेपाल भित्रने जोखिम बढेको क्वारेन्टिन तथा विषादी व्यवस्थापन केन्द्रका रामकृष्ण सुवेदीले जानकारी दिनुभयो ।

सुवेदीका अनुसार नेपालमा पानी परिरह्यो र बादल लागिरह्यो भने सलह भित्रिने सम्भावन न्यून रहेको छ । नेपालबाट भारततर्फ गएको सलहको झुन्ड नभई अर्कै नयाँ झुन्डको जोखिम बढेर गएको हो ।

केन्द्रले सीमावर्ती नेपाली क्षेत्रमा सतर्कता अपनाउन आग्रह गरेको छ । तराई तथा भित्री मधेशका भूभागमा विशेष सतर्कता अपनाउन तथा आवश्यक पूर्वतयारी गर्नुपर्ने देखिएको सुवेदीले बताउनुभयो ।