काठमाडौँ । सुनको मल्य आज दुई सय रुपैयाँले घटेको छ । हिजो तोलाको ९२ हजार ४ सयमा कारोबार भएको छापावाल सुनको भाउ सामान्य घटेको हो । नेपाल सुनचाँदी व्यवसायी महासंघले आज (शुक्रबार) का लागि छापावाल सुनको भाउ तोलाको ९२ हजार २ सय कायम गरेको छ ।
यस्तै तेजाबी सुनको भाउ पनि तोलामा २ सय ५ रुपैयाँले घटेको छ । आज तेजाबी सुनको मूल्य ९१ हजार सात सय ६० कायम गरिएको नेपाल सुनचाँदी व्यवसायी महासंघले जनाएको छ । यस्तै आज (शुक्रबार) चाँदीको भाउ भने तोलाको ९ सय ८० रुपैयाँमा स्थिर रहेको छ ।