काठमाडौँ । नेपाली कांग्रेसका केन्द्रीय सदस्य तथा पूर्व सांसद रामहरी खतिवडालाई पितृशोक परेको छ।

उहाँका पिता ७९ वर्षीय जीवनाथ खतिवडाको हिजो साँझ काठमाडौँको डिल्लीबजारस्थित निवासमै निधन भएको परिवार स्रोतले जनाएको छ। स्वर्गीय खतिवडाको आज बिहान ८ बजे पशुपति आर्यघाटमा अन्त्येष्टि गरिने भएको छ।

उहाँका श्रीमती, कांग्रेस नेता रामहरी खतिवडासहित पाँच छोरा र एक छोरी रहनुभएको छ। स्वर्गीय खतिवडा लामो समयदेखि राजनीतिक तथा सामाजिक सेवामा क्रियाशील हुनुहुन्थ्यो ।

स्वर्गीय खतिवडाको निधनप्रति राजनीतिक, सामाजिक क्षेत्रका व्यक्तित्वहरू, शुभेच्छुक र इष्टमित्रहरूले गहिरो शोक र श्रद्धाञ्जली प्रकट गरेका छन्।