काठमाडौं । उडिरहेको हेलिकप्टरमा चिल ठोक्किएपछि दुर्घटना भएको छ । कैलाश हेलिकोप्टर सर्भिसेसको नाइन एनए जेजे हेलिकप्टर नुवाकोटमा दुर्घटना भएको हो ।

बाग्लुङको गल्कोटबाट काठमाडौंका लागि उडेको हेलिकप्टरमा चरा ठोक्किएपछि नुवाकोटमा आकस्मिक अवतरण गरिएको छ ।

नुवाकोट प्रहरीका अनुसार हेलिकोप्टरमा रहेका ६ जना नै सुरक्षित छन् । केहीलाई सामान्य चोट लागेको छ । हेलिकप्टरमा गलकोट नगरपालिका वडा नम्बर –३ का अध्यक्ष वीरजंग भण्डारी र पाइलटसहित ६ जना हुनुहुन्थ्यो ।

कैलाश हेलिकप्टर सर्भिसेजको उक्त हेलिकप्टर नुवाकोट बेलकोटगढी नगरपालिका वडा नम्बर ६ झिल्टुङमा आकस्मिक अवतरण गरिएको जिल्ला प्रहरी कार्यालय नुवाकोटले जनाएको छ ।