कञ्चनपुर । गएराति कञ्चनपुरको कृष्णपुर नगरपालिकामा ट्याक्टर र मोटरसाइकल ठोक्किँदा एक महिलाको मृत्यु भएको छ ।

कृष्णपुर –३ वाणी देखतभुली मार्गमा से १ त ९५३३ नम्बरको ट्याक्टरले म १ प ६७६६ नम्बरको मोटरसाइकललाई ठक्कर दिँदा मोटरसाइकलमा सवार स्थानीय रामेश्वरी जोशीको उपचारका क्रममा मृत्यु भएको जिल्ला प्रहरी कार्यालय कञ्चनपुरले जनाएको छ ।

दुर्घटनामा मोटरसाइकल चालक डम्बरदेव जोशीको धनगढीस्थित माया मेट्रो अस्पतालमा उपचार भइरहेको छ । उनी मृतक रामेश्वरीका श्रीमान् हुन् ।

त्यस्तै, मोटरसाइकलमै सवार जोशी दम्पतिकी छोरी १५ वर्षीया ममतालाई थप उपचारका लागि काठमाडौं रिफर गरिएको छ ।