काठमाडौं । आफैँले आफैँलाई गोली हानेका प्रहरी जवानको मृत्यु भएको छ । कञ्चनपुरको महेन्द्रनगरस्थित सुदूरपश्चिम विपद् व्यवस्थापन गुल्ममा कार्यरत प्रहरी जवान वकिल विष्टले माघ ९ गते आफैँले आफैँलाई गोली हानेका थिए । गोली प्रहारबाट गम्भिर घाइते भएका विष्टको उपचारका क्रममा शुक्रबार मृत्यु भएको छ ।

धनगढीको निःसर्ग हष्पिटलमा उपचारका क्रममा विष्टको मृत्यु भएको जिल्ला प्रहरी कार्यालय कञ्चनपुरका प्रहरी नायब उपरीक्षक उमेशराज जोशीले बताए । माघ ९ गते बुधबार राति कोत गादरमा (हतियार राखिने ठाउँ) ड्युटीमा रहेका बेला विष्टले आफैँलाई टाउकोमा गोली हानेका थिए ।