काठमाडौं । काठमाडौंमा बिहीबार दिउँसो भूकम्पको धक्का महसुस भएको छ ।
दिउँसो १ बजेर २ मिनेटमा सिन्धुपाल्चोकको माझीटार केन्द्रबिन्दु भएर गएको भूकम्पको धक्का काठमाडौंमा पनि महसुस भएको छ।
राष्ट्रिय भूकम्प मापन केन्द्रले नेपाल—चीन सीमा क्षेत्रनजिक ज्यामिरेबाट दुई किलोमिटर पर माझीटार केन्द्रबिन्दु बनाएर ४.८ म्याग्निच्यूडको भूकम्प गएको जनाएको छ ।
केन्द्रका अनुसार यसअघि १६ पुसमा बैतडीको सिगास गाउँपालिकाको न्वाघर क्षेत्रलाई केन्द्रबिन्दु बनाएर ४.६ म्याग्निच्यूडको भूकम्प गएको थियो ।
