२०८३, श्रावण १५ गते
- यो साता चर्चामा :
काठमाडौं। डडेलधुरामा जिप दुर्घटनामा परेको छ । दुर्घटनामा दुई जनाको मृत्यु भएको छ भने ७ जना घाइते भएका छन्।
कञ्चनपुरको दैजीबाट परशुराम नगरपालिका जाँदै गरेको जिप दैजी–जोगबुढा सडकखण्डको लिप्ना भन्ने स्थानमा दुर्घटना हुँदा २ महिलाको मृत्यु भएको प्रहरीले जनाएको छ।
इलाका प्रहरी कार्यालय जोगबुढाका अनुसार लु १ ज ४५७९ नम्बरको जिप सडकबाट ३० मिटर तल खसेको हो। दुर्घटनामा घाइते ७ जनामध्ये ४ जनाको अवस्था गम्भीर रहेको छ। उनीहरूलाई उपचारका लागि धनगढी लगिएको छ।
मृतक र घाइतेको पहिचान खुल्न बाँकी छ भने दुर्घटनाको थप विवरण पनि आउन बाँकी छ।
