काठमाडौं । पूर्व सभामुख दमननाथ ढुङ्गानाको निधन भएको छ । ८३ वर्षीय ढुङ्गानाको उपचारको क्रममा निधन भएको हो ।
नेपाल बार एसोसिएसनका अध्यक्ष गोपालकृष्ण घिमिरेका अनुसार उहाँको स्वास्थ्यमा समस्या आएपछि फ्रन्ट लाइन अस्पतालमा भर्ना गरिएको थियो ।
कानुन व्यवसायको क्षेत्रमा पनि चर्चित नाम राख्न सफल हुनुभएका उहाँ पछिल्लो समय विभिन्न स्वास्थ्य समस्याले पीडित हुनुहुन्थ्यो।
वरिष्ठ अधिवक्तासमेत रहनुभएका ढुङ्गाना २०४८ सालदेखि २०५१ सम्म सभामुख हुनुहुन्थ्यो । ढुङ्गानाले तत्कालीन विद्रोही माओवादीलाई शान्ति प्रक्रियामा ल्याउन भूमिका पनि खेल्नुभएको थियो ।
