२०८३, श्रावण १३ गते
- यो साता चर्चामा :
एजेन्सी । इन्डियन प्रिमियर लिग (आइपिएल) टि–ट्वान्टी क्रिकेटको फाइनलमा आज मुम्बई इण्डियन्स र दिल्ली क्यापिटल्सबीच प्रतिस्पर्धा हुँदैछ ।
मुम्बई र दिल्लीबीचको फाइनल खेल दुबईमा हुनेछ । खेल नेपाली समय अनुसार राति पौने ८ बजे सुरु हुनेछ ।दुबई अन्तराष्ट्रिय क्रिकेट मैदानमा मुम्बई र दिल्ली उपाधि उचाल्ने लक्ष्यसहित मैदान उत्रने छन् । त्यसैले मुम्बई र दिल्लीबीचको खेल निकै रोमान्चक हुने अनुमान गरिएको छ ।
रोहित शर्माको कप्तानीमा मैदान उत्रने मुम्बई आइपिएलकै सर्वाधिक सफल टिम हो । मुम्बईले सर्वाधिक चारपटक उपाधि जितेको छ । दिल्लीले भने उपाधि जित्न सकेको छैन ।
दिल्ली पहिलोपटक फाइनलमा पुगेको हो ।दिल्ली नेपाली क्रिकेटर सन्दीप लामिछाने सम्मिलित टिम हो । यद्यपि, यो सिजन सन्दीपले खेल्ने मौका पाएका छैनन् ।
सैबीच, दिल्लीका कप्तान श्रेयस ऐय्यरले टस जितेर व्याटिङ रोजेका छन् ।
