काठमाडौं । आज सुनको भाउमा उच्च गिरावट आएको छ । नेपाली बजारमा सुनको मूल्य प्रतितोला एकैदिन तीन हजार ४ सय रुपैयाँले घटेको नेपाल सुन चाँदी व्यवसायी महासंघले जनाएको छ ।

सोमबार ९८ हजार दुई सयमा कारोबार भएको छापावाल सुनको भाउ आज ९४ हजार आठ सय रुपैयाँमा झरेको छ । यस्तै, महासंघले तेजाबी सुनको मूल्य आजका लागि ९४ हजार तीन सय रुपैयाँ तोकेको छ ।

यसैगरी, चाँदीको मूल्यमा पनि प्रतितोला ७० रुपैयाँले गिरावट आएर १२ सय १५ रुपैयाँ पुगेको महासंघले जनाएको छ ।कोरोना भाइरसविरुद्धको खोप ९० प्रतिशतसम्म प्रभावकारी रहेको भन्ने सोमबारको अन्तर्राष्ट्रिय समाचारको प्रभाव सुन बजारमा परेको महासंघका महासचिव धर्मसुन्दर बज्राचार्यले बताउनुभयो ।