काठमाडौं। दार्चुलामा यात्रुबाहक जिप दुर्घटनामा परेको छ। गोकुलेश्वरबाट दार्चुलाको सदरमुकामतर्फ जाँदै गरेको जिप मालिकार्जुन गाउँपालिका–७, धामीगाडामा दुर्घटना हुँदा १० जना घाइते भएका छन्।

आज मध्यान्ह साढे १२ बजे से १ ज १०२२ नम्बरको जिप अनियन्त्रित भएर नालीमा खसेर दुर्घटना भएको जिल्ला प्रहरी कार्यालय दार्चुलाका सूचना अधिकारी छत्र रावतले जानकारी दिनुभयो ।

घाइतेहरूको परिचय खुल्न बाँकी रहेको र उनिहरुको जिल्ला अस्पताल दार्चुलामा उपचार भइरहेको रावतले बताउनुभयो।चालकलाई प्रहरीले नियन्त्रणमा लिएर दुर्घटनाबारे अनुसन्धान सुरु गरिएको प्रहरीले जनाएको छ।