काठमाडौं । इन्डियन प्रिमियर लिग (आइपिएल) क्रिकेटअन्तर्गत आज सराइजर्स हैदरावादले रोयल्स च्यालेन्जर्स बैंगलोरसँग प्रतिस्पर्धा गर्दैछ ।

शेख जायद स्टेडियममा हुने दुई टोलीबीचको खेल नेपाली समयअनुसार राति पौने ८ बजेबाट सुरु हुनेछ । आजको खेलमा दुवै टोली जित निकाल्दै क्वालिफायर प्रवेश गर्ने योजनामा हुनेछन् ।

आज खेलको विजेता दोस्रो क्वालिफायरमा पुग्नेछ र फाइनल प्रवेशका लागि दिल्ली क्यापिटल्ससँग खेल्नेछ । एलिमिनेटरमा पराजित हुने टिम प्रतियोगिताबाट बाहिरिने छ ।

आजको खेलमा बैंगलोर जित निकाल्दै उपाधिमा आफूलाई दाबेदारी प्रस्तुत गर्ने योजनामा छ । हालसम्म तीनपटक फाइनल प्रवेश गरेको बैंगलोरले उपाधि भने उचाल्न सकेको छैन ।

यता एकपटकको विजेता हैदरावाद आजको खेलमा जित निकाल्दै उपाधि होडमा आफूलाई दाबेदारी प्रस्तुत गर्ने योजनामा छ ।