काठमाडौं । लाजिम्पाटस्थित पाँचतारे होटल सांग्रिलाका संस्थापक अध्यक्ष तथा सञ्चालक श्यामबहादुर पाण्डेको निधन भएको छ ।

पाण्डेको ८८ वर्षको उमेरमा सोमबार ग्रान्डी अस्पतालमा निधन भएको हो । केही वर्षदेखि स्वास्थ्य समस्या बेहोरिरहेका उनले ६० वर्षभन्दा बढी पर्यटन र होटल उद्योगको विकास र उन्नतिका लागि काम गर्नुभएको थियो ।

होटल उद्योगका ‘लिजेन्ड’ पाण्डेले ६ दशकभन्दा बढी अवधि सक्रिय हिसाबले काम गर्नुभएको थियो। पाण्डेले चार दशकअघि होटल सांग्रिला स्थापना गर्नुभएको थियो ।

पारिवारिक स्रोतका अनुसार पाण्डेको पार्थीव शरीरलाई अपराह्न ४ बजे पशुपति आर्यघाटमा दाहसंस्कार गरिने छ ।

पाण्डेका श्रीमती, दुई छोरा र एक छोरी छन् ।