काठमाडौं। त्रिभुवन अन्तर्राष्ट्रिय विमानस्थलको आन्तरिक टर्मिनलभित्रै भल पसेपछी यात्रु तथा कर्मचारीलाई सास्ती भएको छ।

विमानस्थलका प्रवक्ता सुवास झाका अनुसार विमानस्थलको बोर्डिङ पास लिएर सेक्युरिटी चेकतर्फ अगाडि बढ्ने क्रममा दुई भवन जोडिएको स्थानमा पानी निकासका लागि बनाइएको ढल (ड्रेनेज)नै थुनिएपछी भल एक्कासी विमानस्थलभित्र पसेको हो।

भलका कारण करिब १०/१५ मिनेटसम्म यात्रु र कर्मचारीलाई सास्ती भए पनि उडान अवतरण र अन्य काममा भने असर नपरेको झाले बताउनुभयो ।