काठमाडौं। सेयर बजार परिसुचक नेप्सेको ओरालो यात्रा आज पनि जारी रह्यो। आज नेप्से १ दशमलव ८५ अङ्कले घटेर लगातार तेस्रो दिनसम्म पनि ओरालो यात्रा कायम राखेको हो। हिजो र अस्ति पनि ओरालो लागेको बजार आज दुई हजार १० दशमलव २१ विन्दुमा झरेको छ।

आज फाइनान्स, लगानी, जीवन बीमा, माइक्रोफाइनान्स, म्युचल र अन्यबाहेक सबै समूहको सेयर घटेको छ। आज ज्योति विकास बैंक बोन्ड २०८७ को सेयर सबैभन्दा धेरै साढे ७ प्रतिशतले घटेको छ। बजार समान्य घटेको दिन आज गुराँस लघुवित्त कम्पनीको सेयर १० प्रतिशतले बढेको छ।

आज ६१ लाख ३१ हजार कित्ता सेयर २ अर्ब २९ करोड रुपैयाँमा कारोबार भएको छ । सबैभन्दा धेरै गुराँस फाइनान्स कम्पनीको १४ करोड ९८ लाख रुपैयाँको सेयर किनबेच भयो ।