२०८३, श्रावण २२ गते
- यो साता चर्चामा :
काठमाडौँ । प्रधानमन्त्री पुष्पकमल दाहाल प्रचण्डले शालीन पोखरेलको मृत्यु भएको घटनाको यथार्थ छानबिन गर्न सरकार दृढ र प्रतिबद्ध रहेको बताउनुभएको छ । सामाजिक सञ्जाल फेसबुकमार्फत प्रधानमन्त्री प्रचण्डले १४ वर्षिया बालिका घटनाको यथार्थ छानबिन गर्न सरकार दृढ र प्रतिबद्ध रहेको बताउनुभएको हो ।
प्रधानमन्त्रीले भन्नुभएको छ, घटनाको गहन छानबिन गरी सत्य तथ्य पत्ता लगाउन मैले यसअघि नै गृह मन्त्रालयलाई निर्देशित गरिसकेको छु। घटनाको यथार्थ छानबिन गरी पोखरेल परिवारलाई न्याय दिलाउन सरकार दृढ र प्रतिबद्ध छ।
प्रधानमन्त्री प्रचण्डले पोखरेलको मृत्युले आफूलाई गम्भीर र दुःखी तुल्याएको समेत बताउनुभएको छ । शुक्रवार पोखरेल चितवनको एकता शिशु निकेतन स्कुलको होस्टेलमा मृत अवस्थामा फेला परेकी थिइन् ।
