२०८३, श्रावण २२ गते
- यो साता चर्चामा :
काठमाडौं । रुसी सेनामा रहेका नेपालीहरूको उद्धार, राहतका तथा बेपत्ता भएका नेपालीहरूको अवस्था जानकारी गराई सहयोग गरिदिन रुसी राजदूतावासलाई ध्यानाकर्षण गराउन प्रदर्शन भएको छ ।
रुसी सेनमा भर्ना भएकालाई उद्धार गर्न माग गर्दै पीडित परिवारले प्रदर्शन गरेका हुन् । उनीहरूले रुसी राजदूतावास बालुवाटार नजिकै विभिन्न ब्यानर बोकेर प्रदर्शन गरेका हुन्।
रुसी सेनामा कार्यरत नेपालीहरू बेपत्ता हुने क्रम बढेपछि नेपालमा रहेका परिवारमा तनाव बढिरहेको छ । पछिल्लो समय युद्धका कारण नेपालीहरूको धमाधम मृत्यु हुन थालेपछि उनीहरूलाई सरकारी पहलमार्फत नै स्वदेश फर्काउनुपर्ने आवाज उठ्न थालेको छ ।
