काठमाडौं । कैलालीमा भएको मोटरसाइकल दुर्घटनामा श्रीमान श्रीमतीको मृत्यु भएको छ। मोहन्याल गाउँपालिकामा–७ मा पर्ने कुइने चिसापानी सडक खण्डको पितमारीमा दुर्घटना हुँदा अछामको पञ्चदेवल विनायक नगरपालिका– १ कुइकाका खकेन्द्र ढकाल र श्रीमती मैसराको मृत्यु भएको हो।

ढकाल दम्पती सवार भे १३ प १०७४ नम्बरको मोटरसाइकल साँझ ७ बजेतिर सडकबाट २०० मिटर तल कर्णाली नदीमा खसेको थियो। उनीहरू अछामबाट बर्दियाको भुरीगाउँ जाँदै थिए ।

दुवै जनाको शव मोटरबोटको सहायताले निकालिएको छ। मृतक ढकालका दुई छोरा र एक छोरी छन्।