काठमाडौं। राष्ट्रपति रामचन्द्र पौडेलले गौरीघाट र कमलपोखरी पुगेर छठ पूजा गर्नुभएको छ।

राष्ट्रपति पौडेलले आज अस्ताउँदो सूर्यलाई अर्घ्यदान गर्नुभएको हो ।

राष्ट्रपति पौडेलले सुरुमा पशुपति क्षेत्रस्थित गुह्वेश्वरी मन्दिरअघि बाग्मती किनारमा निर्माण गरिएको छठ पूजास्थलमा गई सूर्यसहित छठी माताको पूजा आराधना एवं अर्घ्यदान गर्नुभएको थियो ।

त्यसपछि कमलपोखरीमा रहेको छठ पूजास्थलमा पुगेर पूजा गरेको उहाँको सचिवालयले जनाएको छ।

व्रतालुहरू आज पानीसमेत नखाइकन निराहार बसेका छन् । आज साँझपख नजिकैको पोखरी, तलाउ, इनार, कुवा जस्ता जलाशयमा गई अस्ताउँदो सूर्यको पूजा गरेकका छन् ।