काठमाडौं। सिस्नुपानी नेपालले यसवर्ष देउसी कार्यक्रम नगर्ने भएको छ।गत शुक्रबार जाजरकोटको रामिडाँडा केन्द्रविन्दु बनाएर गएको विनासकारी भूकम्पले जाजरकोट र रुकुमपश्चिममा जनधनको ठूलो क्षति पुगेको भन्दै देउसी कार्यक्रम नगर्ने निर्णय लिएको हो।

​सिस्नुपानी नेपालका महासचिव टंकराज आचार्यले सुचना जारी गर्दै ​भूकम्पको पीडाका कारण सिस्नुपानी देउसी कार्यक्रम यो वर्ष स्थगित गरेको जानकारी दिनु भएको छ। यस्तै भूकम्प प्रभावित क्षेत्रका लागि स्थापित सरकारी कोषमा सहयोग स्वरूप ५० हजार रुपैयाँ उपलब्ध गराउने निर्णय पनि गरेको जानकारी दिनुभयो।

सिस्नुपानीले भूकम्पबाट ज्यान गुमाउन पुगेका नागरिकप्रति श्रद्धाञ्जली अर्पण गर्दै दिवंगत परिवारजनमा गहिरो समवेदना प्रकट गरेको छ। घाइतेहरूको शीघ्र स्वास्थ्यलाभको कामना पनि गर्दै पीडितको पुनःस्थापनाका लागि सहयोगको आह्वान पनि गरेको छ।

सिस्नुपानी नेपालले हरेक वर्ष तिहार राजनीतिकर्मी तथा समाजका अन्य प्रतिष्ठित व्यक्ति भेला गरे व्यंग्यात्मक देउसी खेल्ने गरेको थियो।