यूएईमा जारी इन्डियन प्रिमियर लिग (आइपिएल) टी–ट्वान्टी क्रिकेटअन्तर्गत आज दुई खेल हुने भएका छन् । आज हुने पहिलो खेलमा सनराइजर्स हैदरावादले राजस्थान रोयल्ससँग प्रतिस्पर्धा गर्दै छ । दुबई अन्तर्राष्ट्रिय क्रिकेट मैदानमा हुने दुई टोलीबीचको खेल नेपाली समयअनुसार अपरान्ह्र पौने ४ बजेबाट सुरु हुनेछ ।

त्यस्तै आजै हुने दोस्रो खेलमा दिल्ली क्यापिटल्सले मुम्बई इन्डियन्सको सामना गर्ने भएको छ । यी दुई टोलि बीचको खेल नेपाली समय अनुसार राति पौने ८ बजेबाट सुरु हुनेछ । आजको खेलमा जित निकाल्दै दिल्ली आफूलाई तालिकाको शीर्ष स्थानमा यथावत् राख्ने योजनामा रहेको छ । लिगमा ६ खेल खेलेको दिल्ली १० अंकका साथ शीर्ष स्थानमा छ । समान खेल खेलेको मुम्बई ८ अंकसहित तालिकाको दोस्रो स्थानमा रहेको छ ।