काठमाडौं। डोटीमा ट्याक्टर दुर्घटना हुँदा एक जनाको मृत्यु भएको छ, भने १९ जना घाइते भएका छन्। भिमदत्त राजमार्ग अन्तरगत जोरायल गाउँपालिका–१ घोरडी स्थित सुपप्र ०१००२ त ६७२३ नम्बरको ट्याक्टर गएराती ८ बजे दुर्घटनामा परेको हो।

जिल्ला प्रहरी कार्यालय डोटीका प्रवक्ता, प्रहरी नायव उपरीक्षक निशान्त श्रीवास्तवले २४/२५ जना मजदुर बोकेर जोरायल गाउँपालिका–१ घोरडी देखि खटेना जाँदै गरेको बेला ट्याक्टर दुर्घटना भएको जानकारी दिनु्भयो ।

दुर्घटनामा परि १८ वर्षका सालिन राना मास्केमगरको घटनास्थलमै मृत्यु भएको र घाइते भएका १९ जना मध्ये ४ जनाको अवस्था गम्भीर रहेको प्रहरीले बताएको छ ।

घाइतेलाई उपचारका लागि धनगढी पठाएको छ । दुर्घटनाबारे अनुसन्धान भइरहेको प्रहरीले जनाएको छ ।