काठमाडौं। काभ्रेमा गाडी दुर्घटना हुँदा दुई जनाको मृत्यु भएको छ भने एकजना घाइते भएका छन्। पनौती नगरपालिका–२ कुशादेवीबाट नयाँगाउँ जाँदै गरेको बा ४ ख ६७२३ नम्बरको पराल बोकेको गाडी आज दिउँसो सवा २ बजे ब्रेक फेल भएर दुर्घटनामा परेको हो।

जिल्ला प्रहरी कार्यालय काभ्रेका डिएसपी राजकुमार श्रेष्ठकाअनुसार दुर्घटना हुँदा तीन जना घाइते भएका थिए।घाइतेको उपचारको लागि सिरमेमोरियल अस्पतालमा पठाइएको थियो।

अस्पताल पु¥याउँदा चालक कुशादेवी बस्ने ४० वर्षीय रविन आचार्य र बेथानचोक गाउँपालिका–२ बस्ने ५० वर्षीय शिवबिक्रम केसीको मृत्यु भएको हो।

बेथानचोक गाउँपालिका–२ का ४५ वर्षीय सारदा तिमल्सिनाको टाउको, घाँटी र दुबै हात–खुट्टामा गम्भीर चोट लागेको प्रहरीले जनाएको छ।