काठमाडौं । रिगल भनिने योगराज ढकालको कैद मिनाहविरुद्ध अनसन थालेकी भारती मानन्धर सर्वोच्च अदालत परिसरमै ढल्नुभएको छ ।

कैद मिनाह गर्ने राष्ट्रपतिको निर्णयविरुद्ध दिएको रिटको तारेख लिन भारती सर्वोच्च पुग्नुभएको हो। तारेख बुझेर फर्किने क्रममा भारती अदालत परिसरमै ढल्नुभएको थियो । उहाँलाई प्रहरीले उठाएर केहीबेर बेञ्चमा राखेपछि अस्पताल पठाएको छ ।

श्रीमान चेतन मानन्धरको हत्यामा दोषी ठहर भएका रिगलको कैद मिनाह भएपछि उहाँन्याय माग्दै काठमाडौं आउनुभएको छ। भारतीले बुधबारदेखि माइतीघर मण्डलामा दुई घन्टे रिले अनसन समेत थाल्नुभएको छ ।