काठमाडौं। बझाङ केन्द्रबिन्दु भएर आज शक्तिशाली भूकम्प गएको छ।आज दिउँसो बझाङ नै केन्द्रबिन्दु भएर २ पटकसम्म भुकम्प गएको राष्ट्रिय भूकम्पमापन तथा अनुसन्धान केन्द्रले जानकारी दिएको छ।

केन्द्रका अनुसार जिल्लाको चैनपुर केन्द्रबिन्दु भएर दिउँसो ३ बजेर ६ मिनेट जाँदा ६.३ म्याग्निच्युडको शक्तिशाली भूकम्प गएको हो भने, बझाङकै तालकोट आसपास केन्द्रबिन्दु भएर दिउँसो २ बजेर ४० मिनेटमा ५.३ म्याग्निच्यूडको भूकम्प गएको थियो।

राष्ट्रिय भूकम्प मापन केन्द्रका प्रमुख लोकविजय अधिकारीले दिएको जानकारी अनुसार घरहरु भत्किएको सुचना आएको र थप विवरण संकलनको कार्य जारी रहेको छ।