काठमाडौं । खोटाङको हलेसी तुवाचुङ नगरपालिका दुर्छिम र हिमालय एग्रोएकोलोजी रिसर्च एण्ड डेभलपमेन्ट झापाबीच ३ बर्षे कृषि कार्यक्रम सञ्चालन गर्ने सम्झौता भएको छ ।
कृषकहरूलाई उत्पादनमा केन्द्रित गराउन यो सम्झौता गरिएको हो । यसले किसानले लगाउने बालीको फसल बढ्नुका साथै आम्दानीको स्रोतमा समेत वृद्धि हुने अपेक्षा लिइएको छ ।
यस्ता छन् आयोजनाका लक्ष्यहरू :
१. हलेसी तुवाचुङ नगरपालिकाको क्षेत्रहरूमा प्रयोग गर्नका लागि प्राङ्गारिक मल उत्पादन गर्ने र जैविक मल उत्पादन केन्द्रको विकास गर्ने ।
२. प्राङ्गारिक कृषि र उत्पादनमा किसानहरूलाई तालिम र शिक्षा प्रदान गर्ने ।
३. जैविक खेती प्रक्रिया र जैविक मलको अनुसन्धान गर्ने ।
४. आयोजना अवधिभरमा नगरपालिका भित्रका महिला उद्यमी छनौट गरी साना घरेलु उद्योग स्थापना गर्ने ।
