२०८३, श्रावण २४ गते
- यो साता चर्चामा :
काठमाडौं। मोरङमा पोखरीमा डुबेर दुई बालिकाको ज्यान गएको छ। जिल्लाको ग्रामथान गाउँपालिका वडा नं २ स्थीत माछा पोखरीमा नुहाउने क्रममा १० र १२ वर्षिया बालिकाको मृत्यु भएको जिल्ला प्रहरी कार्यालय मोरङले जानकारी दिएको छ ।
प्रहरीका अनुसार रम्भा देवको माछा पोखरीमा नुहाउन गएका स्थानीय खुनियाकट्टाका घनश्याम माझीकी छोरी १२ वर्षीया छोरी समीक्षा माझी र मनोज खवासकी १० वर्षीया छोरी रेजिना खवासको डुबेर मृत्यु भएको हो।
पानीमा डुबेर गम्भीर बनेका बालिकाहरुलाई बिहान साढे ११ बजे स्थानीयले फेला पारेर उपचार गराउँन विराटनगरको कोसी अस्पताल लगेकोमा अस्पताल ल्याउनासाथ मृत्यु भएको डीएसपी रन्जनकुमार दाहालले जानकारी दिनु भयो ।
