काठमाडौं । कोरोना रोकथाम तथा नियन्त्रणका लागि सरकारले गरेको लकडाउन यता नेपाली बजारमा सुनको मुल्यमा उतार चढाव हुँदै आएको छ । आज सुनको मूल्यमा सामान्य गिरावट आएको छ ।

नेपाल सुनचाँदी व्यवसायी महासंघका अनुसार हिजो तोलामा ९४ हजार ५०० रुपैयाँमा कारोबार भएको छापवाल सुन आज घटेर तोलामा ९४ हजार १०० रुपैयाँमा कारोबार भइरहेको हो ।

यस्तै तेजावी सुन तोलामा ९३ हजार ६०० रुपैयाँमा कारोबार भइरहेको छ । यस्तै आज चाँदीको मूल्य स्थिर रहेको छ । हिजो तोलामा ११८० रुपैयाँमा कारोबार भएको चाँदीको मूल्य आज पनि सोही मूल्यमा कारोबार भइरहेको महासंघले जनाएको छ ।