काठमाडौं। सोलुखुम्बुमा भएको मनाङ एयरको हेलिकोप्टर दुर्घटनामा ज्यान गुमाएका मृतक ६ जनाकै शव काठमाडौं ल्याइने भएको छ ।

आज बिहान सोलुखुम्बुको खुम्बु पासाङ ल्हामु गाउँपालिका–२ सुर्के हेलिप्याडबाट काठमाडौंका लागि उडेको मनाङ एयरको ९ एन–एएमभी कलसाइन रहेको हेलिकोप्टर लिखुपिके गाउँपालिका–५को भकान्जेस्थित लामजुराको च्यानडाँडामा दुर्घटनाग्रस्त हुँदा क्याप्टेनसहित छ जनाको मृत्यु भएको थियो ।

प्रमुख जिल्ला अधिकारी वसन्त भट्टराईले दुर्घटनामा क्याप्टेन सीबी गुरुङ र पाँच जना मेक्सिकोका नागरिकको शब काठमाडौं पठाउन थालिएको जानकारी दिनुभयो । मृत्यु हुनेमा क्पाप्टेन सीबी गुरुङ र मेक्सिकोका नागरिकहरु सीफुन्ट जी फर्नाडो, रिनकोन स्मार, सीफुन्ट मारिया, गुन्जालेज ओलाक्लो र जोन्जालेक्स एब्रिक छन् ।

प्रजिअ भट्टराईले मृतक सबैको शव क्षतविक्षत अवस्थामा भेटिएको बताउनुभयो। उहाँले मृतकको शव काठमाडौं पठाउन लागि हेलिकोप्टर पठाइए पनि प्रतिकूल मौसमका कारण हेलिकोप्टर दुर्घटनास्थल पुग्न सकेको छैन।