काठमाडौं । काठमाडौं महानगरपालिकाले ललिता निवासको जग्गाभित्र रहेका संरचना हटाउन निर्देशन दिएको छ ।
आइतबार(आज) महानगर प्रहरीको टोली बालुवाटारस्थित ललिता निवासको जग्गामा पुगेर जग्गाभित्र रहेका संरचना हटाउन र थप कुनै पनि संरचना नबनाउन निर्देशन दिएको हो ।
सार्वजनिक जग्गा संरक्षणको जिम्मेवारी स्थानीय सरकारको भएकाले महानगरको निर्देशन अनुसार जग्गा भित्र रहेका संरचना हटाउन निर्देशन दिएको र अटेर गरे महानगर प्रहरीले हटाउने काठमाडौं महानगर प्रहरी प्रमुख राजुनाथ पाण्डेले जानकारी दिनुभयो ।
ललिता निवासको जग्गा रोक्का भइसकेको अवस्था र सम्बन्धित निकायको अनुसन्धान अन्तिम अवस्थामा रहेकाले थप कुनै संरचना निर्माण हुन नदिन महानगरले निगरानी गरेको उहाँले बताउनुभयो ।
उहाँले सार्वजनिक जग्गा संरक्षणका लागि महानगरले काम सुरु गरेको पनि बताउनुभयो।
