काठमाडौं । नेपाल उद्योग वाणिज्य महासंघका उपाध्यक्ष चन्द्र ढकाललाई कोरोना संक्रमण देखिएको छ।

हिजो स्वाब परीक्षणका लागि दिइएकोमा आज बिहान रिपोर्ट पोजेटिभ आएको ढकालले जानकारी दिनुुभएको छ । तर आफूलाई स्वास्थ्यमा खासै समस्या नरहेको उहाँको भनाइ छ।

उहाँले घरमै सुरक्षित रूपमा आइसोलेसनमा बसेको जानकारी गराउनुभएको छ । उहाँले केही दिनयता आफूसँग सम्पर्कमा आएकाहरूलाई सुरक्षित रहन र आवश्यक सजगता अपनाउन पनि आग्रह गर्नुुभएको छ ।

जनस्वास्थ्यका मापदण्ड पालना गर्दै सतर्कता अपनाइरहे पनि आफूमा कोरोना देखिएको ढकालको भनाइ छ।