स्याङजाको वालिङ नगरपालिका– १४ तमादीमा पहिरोमा परेर एकै परिवारका ५ जनाको मृत्यु भएको छ । मृत्यु हुनेमा घरधनी माया नेपाली, दीपक नेपाली, सेनी नेपाली, जीवन नेपाली र उमा नेपाली छन् ।

उमा उक्त घरमा पाहुना बस्न गएकी थिइन् । पहिरोमा परी अझै ४ जना बेपत्ता रहेका जिल्ला प्रहरी कार्यालय स्याङ्जाका प्रवक्ता डीएसपी राजेन्द्र अधिकारीले जानकारी दिनुुभयो । माया नेपालीकी छोरी मनिषाको जीवितै उद्धार गरी उपचारका लागि वालिङ अस्पताल पठाइएको छ।  यस्तै, अविरल वर्षासगै आएको पहिरोले पुरिएर कालीगण्डकी गाउँपालिका ४ बिर्घास्थित गौतम टोलमा एक जनाको मत्युभएको छ ।

पहिरोमा परि १७ वर्षीय विष्णु दमाईको मृत्यु भएको स्थानीयले जानकारी दिएका छन् । घरमा सुतिरहेको अवस्थामा आज बिहान करिब २ बजे घर माथिबाट खसेको पहिरोले उनी पुरिएका थिए । उनको घटनास्थलमै मृत्यु भएको प्रहरीले जनाएको छ।