काठमाडौं। दाङमा एक महिलाले आफ्नै श्रीमानको हत्या गरेकी छन् । घरायसी विवादमा श्रीमतीले बन्चरो प्रहार गर्दा श्रीमानको मृत्यु भएको हो । मृत्यु हुनेमा दाङको बङ्गलाचुली गाउँपालिका १ स्युजाका ६४ वर्षीय रेशम परियार रहेका छन् ।

आज बिहान ९ बजे श्रीमती केशरा परियारको बन्चरो प्रहारबाट उनको मृत्यु भएको जिल्ला प्रहरी कार्यालय दाङका डीएसपी राजनकुमार गौतमले जानकारी दिनुभयो ।

सामान्य विवाद हुँदा श्रीमतीले टाउकोमा बन्चरोले प्रहार गर्दा श्रीमानको घटनास्थलमै मृत्यु भएको डीएसपी गौतमले बताउनुभयो । प्रहरीले श्रीमतीलाई नियन्त्रणमा लिएर थप अनुसन्धान गरिरहेको जनाएको छ ।