काठमाडौं । पत्रकार ऋषि धमला पत्नी एलिजा गौतमले १० जना गरिब, असहाय तथा जेहेन्दार विद्यार्थीहरूलाई कक्षा १ देखि एसइईसम्म पूर्ण छात्रवृत्ति प्रदान गर्नुहुने भएको छ ।

उहाँले सुकेधारामा रहेको आफूले पढेको विद्यालय सेन्ट देविस ईंग्लिस स्कूलका १० जना विद्यार्थीलाई पूर्ण छात्रवृत्ति दिनुहुने भएको हो । उहाँ नागरिक उन्मुक्ति पार्टीकी नेतृ समेत हुनुहुन्छ ।

आज (आइतबार) विद्यालयमा आयोजित एक समारोहकाबीच उहाँले विद्यालय व्यवस्थापन टिमसँग उक्त सम्झौता गर्नुभएको हो । शिक्षा क्षेत्रमा योगदान पुर्‍याउने आफ्नो बाल्यकालदेखि चाहना भएको उल्लेख गर्दै उहाँले आज उक्त चाहना पूरा भएकोमा खुसी व्यक्त गर्नुभएको छ ।