काठमाडौं । अनलाइनमार्फत ठगी गर्ने कार्यमा संलग्न ९ चिनियाँ नागरिकसहित १९ जनालाई प्रहरीले पक्राउ गरेको छ ।
काठमाडौं उपत्यका अपराध अनुसन्धान कार्यालयको टोलीले उनीहरूलाई राजधानीको विभिन्न स्थानबाट पक्राउ गरेर बुधबार(आज) सार्वजनिक गरेको हो ।
राजधानीमा अवैध रुपमा अफिस सञ्चालन गर्दै ह्वाट्सएपमार्फत विभिन्न व्यक्तिसँग कुराकानी गरी उनीहरूले टेलिग्राम मा अपरेशन टिचर नामक च्यानलमार्फत कक्षा सञ्चालन गरेर ठगी गरेको पाइएको प्रहरीले जनाएको छ । कार्यालयका अनुसार पक्राउ पर्नेमा ९ चिनियाँ र १० नेपाली रहेका छन् । उनीहरूलाई बुढानीलकण्ड र चण्डोल क्षेत्रबाट पक्राउ गरिएको हो ।
