काठमाडौं।
डोटीमा जिप दुर्घटना हुँदा २ जनाको मृत्यु भएको छ भने ६ जना घाईते भएका छन्। जिल्लाको केआई सिंह गाउँपालिका–१ लोलीमा दुर्घटनामा पर्दा केआइसिंह–१ महादेवका जीप चालक ३६ वर्षीय गोविन्द्र शाही र केआइसिंह–२ जारिमभाडीका ४१ वर्षीय धनबहादुर तिरुवाको मृत्यु भएको प्रहरी जनाएको छ ।

डोटी प्रहरीकाअनुसार घाइते ६ जना सोही गाउपालिकाकै तेज तिरुवा र उनकी श्रीमती राधा तिरुवाको अवस्था गम्भीर छ । उनीहरु दुवै जनाको उपचारको लागी सुजङ अस्पताल राजपुर डोटी पठाएको छ ।सामान्य घाइते सोही ठाउँका समिर तिरुबा, सुरज तिरुवा, लक्ष्मी तिरुवा र मिन लुहार उपचार पछि घर फर्किएका छन् ।

डोटीको दिपायलबाट केआईसिंह गाउँपालिका–१ घाँटलायातर्फ जादै गरेको सु.प.प्र.०१२३००१ च ३३२९ नम्बरको जिप सडकबाट ६० मिटर तल खसेको छ । जिप दुर्घटनाको कारण पत्ता लगाउन अनुसन्धान सुरु गरिएको प्रहरीले जनाएको छ ।