काठमाडौं।मोरङमा कार दुर्घटना हुँदा एक जनाको ज्यान गएको छ, तिन जना घाइते भएका छन्। पूर्वपश्चिम लोकमार्गअन्तर्गत मोरङको बेलबारी नगरपालिका–२ लालभित्तीमा आज बिहान भारतीय नम्बर प्लेटको कार दुर्घटना हुँदा १ जनाको मृत्यु भएको हो। दुर्घटना घाईते हुनेहरुमा चालकसहित ३ जना छन्।

पश्चिमबाट पूर्वतर्फ जाँदै गरेको डब्लु बी ७४ बी जे ५४७७ नम्बरको कार आफैँ अनियन्त्रित भएर बिहान साढे ३ बजेतिर दुर्घटनामा परेको प्रहरीले जनाएको छ। भारतको सिक्किम वेष्ट सोरेङ घर भएका ६३ वर्षीय प्रतापसिंह तामाङको उपचारका क्रममा विराटनगरको विराट नर्सिङ होममा ज्यान गुमाउएका प्रहरीले जनाएको छ ।

दुर्घटनामा कार चालक सिक्किमकै ४१ वर्षीय फूर्वा छिरिङ तामाङ, २२ वर्षीय पाल्देन टासी तामाङ र ४३ वर्षीय बालचुक तामाङ घाइते भएका छन्। घाइतेको विराटनगरमै उपचार भइरहेको छ।

प्रारम्भिक अनुसन्धानबाट तीव्र गतिका कारण कार दुर्घटनामा परेको खुलेको छ। थप अनुसन्धान भइरहेको प्रहरीले जनाएको छ।