काठमाडौं । तनहुँमा खुकुरी प्रहार गरी एक जनाको हत्या भएको छ । तनहुँ जिल्लाको भानु नगरपालिका ६ टुहुरे पसलस्थित डुम्रे चन्द्रवती भित्री सडक खण्डमा २४ वर्षीय एक युवकले खुकुरी प्रहार गरी ४९ वर्षीय सन्तबहादुर गुरुङको हत्या गरेका प्रहरीले जनाएको छ।

प्रहरीले हत्यामा संलग्न व्यास नगरपालिका ८ रिस्तीका २४ वर्षीय आशिष परियारलाई नियन्त्रणमा लिएको छ। परियारले गुरुङको घाँटीमा खुकुरी प्रहार गरेको जिल्ला प्रहरी कार्यालय तनहुँका प्रहरी नायव उपरीक्षक युवराज खड्काले जानकारी दिनुभयो । परियारलाई हतियारसहित नियन्त्रणमा लिई थप अनुसन्धान भइरहेको खड्काले बताउनुभएको छ ।