२०८३, श्रावण २८ गते
- यो साता चर्चामा :
काठमाडौं । पोखरामा हिजो दुर्घटना भएको यती एयरलाइन्सको विमानको ‘ब्ल्याक बक्स’ फेला परेको छ । नेपाल नागरिक उड्डयन प्राधिकरणका प्रवक्ता जगन्नाथ निरौलाका अनुसार खोज तथा उद्दारमा खटिएको टोलीले आज विहान ‘ब्ल्याक बक्स’ भेटाएका हुन् ।
ब्ल्याक बक्स विमान दुर्घटनाको कारण पत्ता लगाउन महत्वपूर्ण मानिन्छ । ब्ल्याक बक्समा ‘फ्लाइट राडर रेकर्ड’ र ‘ककपिट भ्वाइ रेकर्ड’ हुन्छ ।
प्रवक्ता निरौलाका अनुसार ब्ल्याक बक्स नेपाली सेनालाई बुझाइएको छ । उक्त ब्ल्याक बक्स आजै काठमाडौँ ल्याउने र दुर्घटना जाँच आयोगलाई बुझाइने प्राधिकरणको भनाइ छ ।
